«open budget» tegli maqolalar
“Tashabbusli budjet”ning 1-mavsumi g‘oliblari aniqlandi
“Tashabbusli budjet” jarayonining 2024-yil 1-mavsumi g‘oliblari e’lon qilindi. Respublika bo‘yicha jami 2 770 ta loyiha g‘olib deb topildi, endi ularni moliyalashtirishga 3,3 trln so‘m yo‘naltiriladi. Bu galgi ovoz berish jarayonlarida 11,7 mln kishi ishtirok etdi.
“Hokim topshiriq berdi”. Rahbarlarni Open Budget uchun ovoz yig‘ishga majburlagan Qiziltepa hokimi o‘rinbosari ishi tekshirilmoqda
Navoiy viloyati Qiziltepa tumani hokimi o‘rinbosari O‘lmas Istamov qator rahbarlarga Open Budget uchun ovoz yig‘ishda sustkashlik qilganini aytib, ularni “noinsof” deb atadi. “Kechgacha 50 tadan ovoz yig‘masang, hammangni yo‘qotaman”, deya ta’kidlagan Istamovga nisbatan xizmat tekshiruvi tayinlandi.
“Tashabbusli budjet” evolyutsiyasi. Open Budget qanday qilib fuqarolik jamiyatini qurayotgani haqida
Surxondaryodagi bir mahalla ko‘p yillardan buyon elektr, suv, yo‘l muammolaridan qiynalardi. 2020-yili shu mahallada yashovchi Oybek Usanov “Tashabbusli budjet”da omadini sinashga qaror qiladi. Bu tajriba aholi hayotini qanchalik o‘zgartirgani va odamlarni qanday birlashtirgani — Jahongir Azimov reportajida.
O‘zbekistonda “Tashabbusli budjet”ga ovoz berish boshlanmoqda
13-mart kuni “Tashabbusli budjet” loyihalariga ovoz berish boshlanadi. Fuqarolar mahalliy budjetning umumiy qiymati 3,02 trln so‘m bo‘lgan qismini taqsimlashda yo‘llar qurish, maktablarni ta’mirlash hamda jihozlash va boshqa loyihalar bo‘yicha 28 919 ta loyihadan biriga ovoz berish orqali ishtirok etishi mumkin.
Open Budget`da 1,5 mingdan ko‘p ovoz to‘plab, yutmagan ayrim loyihalarni 2024-yilgi davlat budjetidan moliyalashtirish taklif etildi
Tashabbusli budjet loyihasida 1,5 mingdan ortiq ovoz to‘plagan, lekin g‘olib deb topilmagan jihozlash bilan bog‘liq loyihalarga 2024-yil uchun mo‘ljallangan davlat budjetidan mablag‘ ajratish taklif etilmoqda.
Tashabbusli budjet 2-mavsumi g‘oliblari e’lon qilindi
“Tashabbusli budjet” loyihasining 2023-yildagi 2-mavsumiga ovoz berish 16-sentabrda yakunlandi. Jami 1187 ta loyiha g‘olib deb topildi va ularni amalga oshirish uchun 1,4 trln so‘mdan ortiq mablag‘lar yo‘naltiriladi. G‘olib bo‘lgan hududlarda yashovchilar g‘alabani bayram bilan nishonlashmoqda.
Fuqarolar Open Budget loyihasi bo‘yicha ovoz yig‘ishga majburlash holatlari haqida xabar berishga chaqirildi
Iqtisodiyot va moliya vazirligi tashabbusli budjet doirasida majburiy ovoz berish holatlari haqida Open Budget portalida xabar berishga chaqirdi. Ushbu qoidabuzarlik uchun 16,5 million so‘mdan 50 million so‘mgacha jarima nazarda tutilgan.
“Tashabbusli budjet”ning 2-mavsumiga ovoz berish boshlandi
“Tashabbusli budjet” loyihasining 2023-yil 2-mavsumidagi loyihalarga ovoz berish boshlandi. Jarayon 16-sentabrga qadar davom etadi. Loyihalar uchun 1,02 trln so‘m mablag‘ ajratilgan.
“Tashabbusli budjet”da g‘olib bo‘lgan 50 dan ortiq loyihada ishlar sifatsiz amalga oshirilgan yoki yakunlanmagan — “Yuksalish”
“Yuksalish” harakatining monitoringi davomida 2022-yilda “Tashabbusli budjet”da yutgan 50 dan ortiq loyihada ishlar sifatsiz qilingani, to‘liq moliyalashtirilmagani va yakuniga yetmagani aniqlandi.
“Tashabbusli budjet"ga taklif kiritish tugadi. Endi loyihalar saralanadi
“Tashabbusli budjet"ning 2-mavsumiga loyihalar kiritish tugatildi. 20 kun ichida portalga respublika bo‘ylab jami 49,4 mingta taklif kelib tushdi. Eng ko‘p taklif ichki yo‘l ta’miri bilan bog‘liq. Endi loyihalar ko‘rib chiqiladi. 27-avgustdan ularga ovoz berish boshlanadi.
O‘zbekistonda ichki yo‘llarni ta’mirlash uchun “Mening yo‘lim” loyihasiga start berildi
17-apreldan Open budget portalida “Mening yo‘lim” loyihasining 2023-yilgi mavsumi uchun arizalar qabuli boshlandi. Loyihaga 312 mlrd so‘mdan ortiq mablag‘ ajratiladi. Kiritilgan takliflar uchun ovoz berish jarayoni 28-apreldan 7-mayga qadar o‘tkaziladi.
Open budget uchun ovoz yig‘ishga majburlash majburiy mehnatga jalb qilish sifatida baholanadi
Prezident qarori bilan “Tashabbusli budjet” loyihasi uchun rahbarlarning majburiy ovoz yig‘ish bo‘yicha xodimlarga topshiriq berishlari taqiqlanadi. Bunday holat majburiy mehnatga jalb qilish sifatida baholanadi. Loyiha doirasida ovoz to‘plash va g‘oliblarni aniqlash mexanizmi tanqidiy ko‘rib chiqiladi.
“Tashabbusli budjet” loyihasining g‘oliblari e’lon qilindi
“Tashabbusli budjet” loyihasining 2023-yildagi 1-mavsumiga ovoz berish 7-aprelda yakunlandi. Jami 1666 ta loyiha g‘olib deb topildi va ularni amalga oshirish uchun 1,6 trln so‘mga yaqin mablag‘lar yo‘naltiriladi. Hududlarda odatdagidek odamlar bayram qilishni boshlab yubordi.
Navoiyda o‘qituvchilarni Open budget`ga ovoz to‘plashga majburlagan maktab direktori jazolandi
Navbahor tumanidagi 9-maktab direktori o‘qituvchilarni Open budget`ga 100 tadan ovoz yig‘ishga majburlagani aytilgan ovozli xabar tarqaldi. Unga nisbatan intizomiy jazo chorasi qo‘llanib, xatti-harakatlarida ma’muriy huquqbuzarlik alomatlari bor-yo‘qligi o‘rganilmoqda.
“Tashabbusli budjet”ga ovoz berishga o‘qituvchilar jalb qilingani o‘rganilmoqda — Senat
Majburiy mehnatga qarshi kurashish komissiyasi ayrim soha vakillari, jumladan, o‘qituvchilar “Tashabbusli budjet”ga ovoz berishga majburlanayotganini o‘rganmoqda. Xalq ta’limi vaziri ham pedagoglar jarayonga jalb etilmasligini ma’lum qilgan. Shunday ishlar ortidan Oqqo‘rg‘onda maktab direktori ishdan bo‘shatilgan.
O‘quvchilari Open budget uchun SIM-karta olishga pul yiqqan maktab direktori ishdan bo‘shatildi
Toshkent viloyati Oqqo‘rg‘on tumanida o‘quvchilari «Ochiq budjet» loyihasida ovoz to‘plashga SIM-karta sotib olish uchun pul yig‘ishga jalb qilingan maktab direktori ishdan bo‘shatildi. Viloyat hokimi haqiqatan ham ehtiyoj bo‘lsa, maktabni mahalliy budjet hisobidan jihozlash bo‘yicha topshiriq berdi.
Toshkent viloyatida Open budget`ga ovoz to‘plash uchun o‘quvchilardan pul yig‘ilgani aytilmoqda
Tarmoqlarda Oqqo‘rg‘on tumanida o‘quvchilarning Open budget loyihasiga ovoz ko‘paytirish maqsadida zarur bo‘lgan sim-kartalarni sotib olish uchun maktabga pul olib borayotgani aks etgan video tarqaldi. Toshkent viloyati hokimligi holat o‘rganilayotganini bildirib, bunday harakatni qoraladi.
«100 ta ovoz uchun 100 dollar». Open budget`chilar nimalarni taklif qilishmoqda? Video
O‘zbekistonda «Tashabbusli budjet» loyihasining ovoz berish jarayoni qizg‘in kechmoqda. Yashash hududidagi muammolarni hal etish uchun loyiha taklif etgan aholi ko‘proq ovoz yig‘ishga harakat qilmoqda va turli usullardan foydalanmoqda. «Gazeta.uz» mazkur jarayon ishtirokchilariga mikrofon tutdi (video).
Bepul ichimlik, 5000 so‘m pul va 1 litr yog‘ — Open budget`da ovoz berish evaziga nimalar taklif etilmoqda?
«Tashabbusli budjet»da ovoz berish jarayoni 7 aprelda tugaydi. Fuqarolar ungacha o‘z loyihalariga ko‘proq ovoz to‘plash uchun turli usullardan foydalanmoqda. Jumladan, hisobni to‘ldirish, bepul ichimlik ulashish va hatto yog‘ berish ham kuzatilmoqda. «Gazeta.uz» jarayonga oid suratlar va postlarni jamladi.
«Tashabbusli budjet» loyihasiga Face ID orqali ovoz berish tizimi joriy etiladi
«Tashabbusli budjet» loyihasida barcha mahallalar uchun teng imkoniyat yaratish maqsadida Face ID orqali ovoz berish tizimi joriy etiladi. U SMS orqali berilgan 5−10 ovozga tenglashtiriladi. Qolaversa, kam aholili mahalla loyihalari uchun ko‘paytirish koeffitsiyenti qo‘llash amaliyoti ko‘rib chiqiladi.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- Samarqandda xandaq qazilgani ortidan qo‘shni uy qulab tushdi (video)
- Qisqa yomg‘irdan so‘ng Toshkent ko‘chalarini suv bosdi (video)
- To‘qqizta hududda sel kelishi kutilmoqda
- O‘zbekistonda avtomobillar savdosi ketma-ket uchinchi oy pasaymoqda
Qo‘shimcha imkoniyatlarga ega bulish uchun saytda ro‘yxatdan o‘ting